Ministri i Mbrojtjes i Shqipërisë, Pirro Vengu, është takuar sot me kryeministrin e Kosovës, Albin Kurti.
Në një postim në Instagram, ai tha se me Kurtin vendosën theksin në forcimin e bashkëpunimit në rrafshin e mbrojtjes, stabilitetin rajonal dhe ndërveprimin e domosdoshëm me aleatët.
“Sot në Kosovë për të folur për ato ura që na lidhin, e të tjera që duhet të shtojmë në rrugëtimin tonë të përbashkët. Në takimin tejet të hapur e miqësor me Kryeministrin Albin Kurti vendosëm theksin në forcimin e bashkëpunimit në rrafshin e mbrojtjes, stabilitetin rajonal dhe ndërveprimin e domosdoshëm me aleatët tanë për një konsolidim të subjektivitetit ndërkombëtar të Kosovës. Investimet e përbashkëta në mjete dhe kapital njerëzor, janë një kontribut në sigurinë kolektive”, ka shkruar Vengu.
Aktualisht, Vengu është duke zhvilluar takim me ministrin e Mbrojtjes të Kosovës, Ejup Maqedoncin.
View this post on Instagram
