Ish-ministri i Mbrojtjes së Shqipërisë, Pirro Vengu u ka dhënë mbështetje studentëve shqiptarë në Maqedoninë e Veriut të cilët po kërkojnë që provimi i jurispodencës të mbahet në gjuhën shqipe.
Vengu ka thënë se beteja e studentëve është e drejt.
Ai në një postim në Facebook ka thënë se mosrespektimi i gjuhës shqipe nuk është vetëm padrejtësi por rrezik.
“Kjo është beteja e drejtë që studentët shqiptarë në Maqedoninë e Veriut po bëjnë me dinjitet, guxim dhe qytetari, duke u kthyer në një frymëzim për gjithë. Mohimi apo neglizhimi i gjuhës shqipe nuk është thjesht padrejtësi, por rrezik për të ardhmen profesionale, sociale dhe njerëzore të qindra mijëra të rinjve që duan të ndërtojnë jetën në vendin e tyre. Sot, këta studentë nuk po kërkojnë privilegje etnike, por një normalitet europian! Dhe kjo kauzë meriton të dëgjohet, të mbështetet dhe të fitojë”, ka shkruar Vengu.
