Presidenti i Venezuelës, Nicolas Maduro i ka bërë thirrje Organizatës së Vendeve Eksportuese të Naftës (OPEC) që ta ndihmojnë vendin e tij t’i kundërvihet “kërcënimeve ilegale dhe në rritje” nga SHBA-ja dhe presidenti i saj, Donald Trump.
Në një letër ndaj anëtarëve të të bllokut të vendeve më të mëdha të prodhimit të naftës të dielën, Maduro ka akuzuar SHBA-në se po përpiqet “të kapë” rezervat e nafës së Venezuelës, më të mëdhatë në botë.
Shpresoj të mbështetem në përpjekjet tuaja më të mira për të ndihmuar në ndalimin e këtij agresioni, i cili po bëhet gjithnjë e më i fortë dhe kërcënon seriozisht ekuilibrin e tregut ndërkombëtar të energjisë, si për vendet prodhuese ashtu edhe për ato konsumuese”, tha Maduro, sipas një kopjeje të letrës të publikuar nga transmetuesi shtetëror TeleSUR, të cituar nga Al Jazeera.
Maduro gjithashtu “denoncoi zyrtarisht” “përdorimin e forcës vdekjeprurëse ushtarake kundër territorit, popullit dhe institucioneve të vendit”, si ndaj OPEC-ut ashtu edhe ndaj grupit më të madh të vendeve të OPEC+.
Ndërsa Venezuela mban rezervat më të mëdha të provuara të naftës në botë , të vlerësuara në 303 miliardë fuçi që nga viti 2023, ajo eksportoi vetëm 4.05 miliardë dollarë naftë bruto në vitin 2023, shumë më poshtë se vendet e tjera kryesore prodhuese të naftës, pjesërisht për shkak të sanksioneve të SHBA-së të vendosura gjatë presidencës së parë të Trump.
Venezuela poashtu njoftoi të dielën se paraqiti një ankesë në Organizatën Ndërkombëtare të Aviacionit Civil (ICAO), duke akuzuar SHBA-në për një “shkelje të sovranitetit” pasi Presidenti Donald Trump deklaroi se hapësira e saj ajrore duhet të konsiderohet plotësisht e mbyllur.
Ministri i Transportit i Venezuelës, Ramon Araguayan, tha në mediat sociale se njoftimi i Trump në lidhje me hapësirën ajrore të Venezuelës përbënte një shkelje të sovranitetit kombëtar.
Ai tha se zyrtarët kishin paraqitur një ankesë me shkrim në ICAO duke përshkruar qëndrimin e tyre.
