E flamuri shqiptar, u vendos edhe në Luginën e Preshevës. Atje, pavarësisht vështirësive dhe gjobave të shqiptuar nga shteti serb, përfaqësuesit e shqiptarë e vendosën flamurin kuq e zi në objektin e komunës së Preshevës dhe në zyrën e Këshillit Kombëtar Shqiptar.
Për të shtatën herë, po vendoset flamuri i Shqipërisë në objektin e Komunës së Preshevës.
Kësaj radhe, kryetari aktual i Preshevës, Shqiprim Arifi, flamurin e vendosi një ditë para festës kombëtare.
Ndërsa të martën më 28 nëntor nga Presheva e pati një urim për të gjithë shqiptarët anë e mbanë.
Mirëpo, flamuri kuq e zi nuk u vendos vetëm në objektin e komunës.
Shqiptarët në Serbi, flamurin kombëtar e vendosën edhe në objektin e Këshillit Kombëtar Shqiptar.
Kryetari i këtij këshilli, Nevzad Lutfiu për këtë ditë në veçanti uroi shqiptarët që jetojnë në Serbi.
Deri në këtë periudhë, sa herë që përfaqësuesit shqiptarë kanë vendosur flamurin shqiptarë janë dënuar me gjobë nga Serbia prej 1000 deri në 1500 euro.
