Shumica e vendeve të Gjjirit Persik kanë mbyllur hapësirat ajrore pas sulmeve hakmarrëse të Iranit ndaj bazave amerikane në disa vende të Lindjes së Mesme, raportojnë mediat e huaja.
Kompania ajrore Qatar Airways njoftoi se ka pezulluar përkohësisht fluturimet në qendrën e saj në Doha për shkak të mbylljes së hapësirës ajrore të vendit të Gjirit.
Kompania ajrore thotë se po punon me autoritetet lokale për të mbështetur pasagjerët e prekur nga ndalimi dhe se pret vonesa sapo të rifillojnë fluturimet. Nuk tha se kur mund të ndodhë kjo.
Kompania ajrore shtetërore Qatar Airways është një nga linjat ajrore më të mëdha në Lindjen e Mesme, duke transportuar dhjetëra milionë pasagjerë, kryesisht me udhëtime të gjata, përmes Katarit në destinacione në gjashtë kontinente.
Autoriteti i aviacionit civil të Sirisë njoftoi të shtunën mbylljen e hapësirës ajrore në Sirinë jugore, ndërsa një numër linjash ajrore, përfshirë Lufthansa, Air France, Transavia, Qatar Airëays dhe Pegasus, anuluan të gjitha fluturimet për në Liban.
