Fundori amerikan, Jalen Ray është përforcimi i parë i huaj te skuadra e Vëllaznimit për edicionin 2023/24. Ekipi gjakovar të hënën e ka prezantuar amerikanin Ray, të cilin e konsideron si përforcim të rëndësishëm.
24-vjeçari veçohet me lojën e tij të kombinuar prej asistuesi dhe shënuesi efikas. Vlerësohet për përqindjen e lartë në tentimet për tri pikë, ndërsa edicionin e shkuar ka luajtur në Britaninë e Madhe për ekipin Surrey Scorchers.
Te kjo skuadër elitare, Ray ka luajtur me një mesatare prej 19 pikëve dhe 6 asistimeve për ndeshje.
Në fakt, amerikani është përforcimi i katërt deri më tani te Vëllaznimi, i cili ka zyrtarizuar vendorët si Atik Koshi, Don Polloshka e Jon Ukaj.
Në krye të ekipit nga Gjakova në edicionin e ri, do të jetë trajneri nga Lituania, Audrius Prakuraitis.
