Anëtari i kryesisë së LDK-së, Avdullah Hoti kërkoi ndryshim të lidershipit të partisë për shkak të rezultateve zgjedhore.
Pas kësaj ka pasur reagime të shumta dhe së fundi edhe ish-nënkryetari i LDK-së, Agim Veliu, i cili ka deklaruar se “është për keqardhje të mbrosh ‘liderin’ që po e dërgon në theqafje një familje të madhe politike”.
“Të jesh i pafuqishëm ta ndryshosh gjendjen në shtëpinë politike, ku kryefamiljari (kryetari) të ka afruar formalisht “afër” vetes nuk është edhe shumë tragjike. Është për keqardhje të të detyrojnë, apo të vetdetyrohesh për t’ia mbajtur ison shefit dhe, të dalësh publikisht e ta mbrosh “liderin” ,i cili po e dërgon në theqafje një familje të madhe politike, që për 35 vjet ishte shembull i demokracisë dhe meritokracisë”, ka shkruar ai në Facebook.
Muhaxheri pas deklaratës së Hotit: Nuk ka kuptim të shkarkohet kryetari kur LDK-ja ka rritje 70%
