Blerim Vela, shef i kabinetit të presidentes, Vjosa Osmani i ka reaguar drejtorit të të ashtuquajturës “Zyre për Kosovën” në Qeverinë e Serbisë, Petar Petkoviq.
Përmes një postimi në Twitter, Vela i tha Petkoviqit se ai i di kufijtë nga kërkesat që i bën për vizita në Kosovë.
”Nga të gjithë zyrtarët e Serbisë, ju e dini më së miri se ku janë kufijtë e Kosovës, gjë që ju e shënoni në kërkesat tuaja për të vizituar Kosovën. Lista Serbe është e regjistruar në Komisionin Qendror të Zgjedhjeve të Republikës së Kosovës – sipas ligjeve Kosovës”, ka shkruar Vela.
Petkoviq, nuk i ka pritur mirë deklaratat e ambasadorit amerikan në Kosovë, Jeffrey Hovenier, për deklaratat e tij se Kosova është shtet i pavarur, sovran e demokratik, dhe se kufijtë e Kosovës njihen botërisht se ku janë.
Petkoviqi i reagon Hovenierit: Lista Serbe s’është zë i ambasadave
