Sulmuesi i Kombëtares së Kosovës, Vedat Muriqi është bindshëm lojtari më i paguar te skuadra e Mallorcas.
Rinovimi i kontratës së Muriqit muaj më parë deri në vitin 2029, ka bërë që sulmuesi të jetë në krye të listës së pagave.
Paga vjetore e Muriqit te Mallorca është 5.2 milionë euro, ndërsa 31-vjeçari paguhet mbi 100 mijë euro në javë.
Në fakt, kjo pagë bazë e Muriqit mund të rrihet për 15-20 % pasi Mallorca strukturon kontratat me bonuse të bazuara në paraqitje.
Kështu që, kontrata e Muriqit përfshinë afërsisht 1 milion euro në vit bonuse bazuar në golat e shënuar.
Muriqi është një nga lojtarët kyç të Mallorcas, ekip të cilit iu bashkua në janar të vitit 2022 fillimisht si huazim dhe pastaj si transferim gjashtë muaj më vonë.
Këtë sezon, Muriqi ka realizuar 8 gola në 13 ndeshje të luajtura në La Liga të Spanjës.
