Robert Redford, aktor dhe regjisor që u bë një nga yjet më të mëdhenj të Hollivudit përmes roleve të tij ikonike në filma si “Butch Cassidy and the Sundance Kid” dhe “All the President’s Men”, si dhe një figurë kyçe në promovimin e kinemasë së pavarur amerikane përmes themelimit të organizatës që qëndron pas Festivalit të Filmit Sundance, ndërroi jetë të martën në mëngjes.
Ai ishte 89 vjeç.
Publicistja e tij, Cindi Berger, njoftoi se ai ndërroi jetë në banesën e tij “në malet e Utah-ut – vendi që ai e donte, i rrethuar nga ata që i donte. Ai do të na mungojë shumë. Familja kërkon privatësi”.
Në një karrierë që zgjati më shumë se gjashtë dekada, Redford fitoi dy çmime Oscar, përfshirë një çmim nderi në vitin 2002, dhe tre çmime Golden Globe, përfshirë çmimin Cecil B. DeMille për arritje gjatë gjithë jetës në vitin 1994.
