Dy persona kanë humbur jetën, ku të njëjtit ishin aksidentuar gjatë muajit gusht në Kosovë.
Policia ka bërë të ditur se njëri nga ta ishte aksidentuar në javën e dytë të gushtit, e i cili ishte duke marrë trajtim mjekësor në Qendrën Klinike Universitare të Kosovës.
Viktima si pasojë e lëndimeve të marra në aksident, ka ndërruar jetë dje në spital. Ndërsa, me urdhër të prokurorit trupi i pajetë i viktimës është dërguar në IML për obduksion.
“Shtërpce. 14.08.2023 – 13:30. Me datë 03.09.2023, viktima mashkull kosovar i cili ishte duke u trajtuar në QKUK si pasojë e lëndimeve të pësuara në aksident, ka ndërruar jetë. Me urdhër të prokurorit trupi i pa jetë i viktimës është dërguar në IML për obduksion”, thuhet në njoftimin e Policisë së Kosovës.
Ndërkohë, viktima e dytë i cili ishte shtetas i Gjermanisë ishte aksidentuar në Hanë të Elezit. Policia thotë se i njëjti gjatë trajtimit ka vdekur atje.
“Hani Elezit. 22.08.2023 – 23:24. Lidhur me rastin, është informuar se viktima mashkull shtetas i Gjermanisë, i cili ishte duke u trajtuar në Gjermani ka ndërruar jetë. Rasti ne procedure hetimore”, thuhet në raportin e policisë./teve1.info/
