Një aksident i rëndë ka ndodhur pasditen e sotme në Durrës, ku dy të mitur rreth 10-vjeç kanë humbur jetën, ndërsa një tjetër ndodhet në gjendje të rëndë.
Shoferi i automjetit N. R., rreth 57 vjeç, dyshohet se ka përplasur fëmijët derisa po luanin në trotuar.
Si pasojë e përplasjes, dy prej të miturve kanë ndërruar jetë në vendngjarje, ndërsa fëmija i tretë është transportuar në gjendje të rëndë drejt Tiranës për ndihmë më të specializuar mjekësore.
Drejtuesi i automjetit është shoqëruar në Komisariat për veprime të mëtejshme procedurale.
Ndërkohë, TCh raporton se në vendngjarje ndodhet grupi hetimor, i cili po punon për zbardhjen e plotë të rrethanave dhe shkaqeve të aksidentit tragjik. /teve1.info/
