Ka vdekur shefi i sektorit të Kulturës në Drejtorinë për Kulturë, Rini dhe Sport në Komunën e Pejës, Aver Husaj, raporton teve1.info
Lajmin e bëri të ditur përmes një shkrimi në Facebook, kryetari i Pejës, Gazmend Muhaxhiri.
Ai tha se Komuna e Pejës sot ka humbur një zyrtar dhe koleg të vyer.
“Me pikëllim mora lajmin për ndarjen nga jeta të veprimtarit, Aver Bajram Husaj. Averi ishte Shef i Sektorit të Kulturës pranë Drejtorisë për Kulturë, Rini dhe Sport, dhe Komuna e Pejës sot ka humbur një zyrtar dhe një koleg të vyer. Ngushëllime të sinqerta familjes Husaj, miqve, kolegëve dhe të gjithë atyre që e njohën. Pusho në paqe, Aver”, ka shkruar Muhaxhiri.
