Kryetari i komunës së Drenasit Ramiz Lladrovci, ka shprehur ngushëllime me rastin e vdekjes së zyrtarit policor, Xhemajl Muja.
“Me pikëllim morëm lajmin për humbjen e veteranit të Ushtrisë Çlirimtare të Kosovës, përkatësisht zyrtarit policor në Drenas, Xhemajl Muja. Ngushëllimet me të sinqerta familjes Muja për humbjen e Xhemajlit”, është shprehur Lladrovci, bëhet e ditur në njoftimin e komunës së Drenasit.
Xhemajl Muja ishte veteran i Ushtrisë Çlirimtare të Kosovës, në Brigadën 114, ndërsa që nga pas lufta ishte zyrtar policor në Stacionin Policor në Drenas. /Teve1.info/
