Ka humbur jetën dje, pasagjerja e dytë që u aksidentua të premten në rrugën Kaçanik – Ferizaj.
Viktima, kishte pësuar lëndime trupore në aksident, derisa e njëjta ishte duke marrë tretman mjekësor në Qendrën Klinike Universitare të Kosovës (QKUK).
Në aksidentin mes tri veturash, në vendin e ngjarjes ka vdekur edhe vozitësi.
Ndërkohë, me urdhër të prokurorit trupi i pajetë i viktimës është dërguar në IML për obduksion.
“Magjistralja Fusha e Pajtimit-Kaçanik,17.11.2023-21:06. Më datën dhe kohën e lartcekur, viktima femër kosovare kishte pësuar lëndime trupore në një aksident trafiku dhe ka qenë duke marrë tretman mjekësor në QKUK-së. Më datë 18.11.2023 rreth orës 21:00 është konfirmuar se viktima e lartcekur ka ndërruar jetë. Me urdhër të prokurorit kujdestar, trupi i pa jetë është dërguar në IML për obduksion”, thuhet në raportin ditor të Policisë së Kosovës./teve1.info/
