Një person ka humbur jetën pasi nuk arriti t’u mbijetojë lëndimeve të rënda që kishte pësuar në një aksident trafiku të ndodhur në fillim të muajit maj në Gjilan.
Sipas informacioneve të Policisë së Kosovës, viktima kishte qenë nën kujdes mjekësor që nga dita e aksidentit, i cili kishte ndodhur më 2 maj 2026. Megjithatë, më 14 qershor është raportuar se ai ka ndërruar jetë si pasojë e plagëve të marra në atë ngjarje.
Autoritetet policore kanë bërë të ditur se është kanë njoftuar prokurorin kompetent, ndërsa rasti tashmë është iniciuar si “Aksident me fatalitet”.
“Gjilan / 02.05.2026 – 16:40. Më 14.06.2026 është raportuar se ka ndërruar jetë viktima mashkull kosovar i cili ishte duke u trajtuar si pasojë e lëndimeve të pësuara në një aksident trafiku që ka ndodhur më 02.05.2026. Lidhur me rastin është njoftuar prokurori”, thuhet në njoftimin e policisë. /teve1.info/
