Një paciente e repartit për të sëmurë kronikë psikiatrikë në Qendrën Integruese Rehabilituese të Shtimes ka ndërruar jetë pas përkeqësimit të gjendjes së saj shëndetësore.
Sipas raportit 24-orësh të Policisë së Kosovës pacientja ishte dërguar fillimisht në Qendrën e Mjekësisë Familjare në Shtime, ku mjekët kanë konstatuar vdekjen si pasojë e komplikimeve shëndetësore.
Autoritetet kanë njoftuar prokurorin kompetent lidhur me rastin, ndërsa trupi i pajetë i viktimës i është liruar familjarëve për organizimin e ceremonisë mortore.
“Nga Qendra Integruese Rehabilituese e të sëmurëve kronik psikiatrik është raportuar një paciente f/k i është keqësuar gjendja shëndetësore dhe si pasojë ka ndërruar jetë në QKMF Shtime. Lidhur me rastin është njoftuar prokurori dhe trupi i pajetë u lirohet familjarëve për ceremoni mortore”, thuhet në njoftim. /teve1.info/
