Lajmin për teve1.info e ka konfirmuar zëdhënësi i Policisë së Kosovës për rajonin e Pejës, Fadil Gashi.
Ai bëri të ditur se viktima dyshohet se ka rënë nga objekti i një shkolle, teksa shtoi se rasti është duke u hetuar si “hetim i vdekjes”.
“Rreth orës 10:30 Policia ka marrë informatën se një person ka rënë nga kati i tretë i ndërtesës në fshatin Grabanicë të Klinës. Menjëherë policia ka dalë në vendngjarje. Ai dyshohet se ka rënë nga kati i tretë i një shkolle. Në vend ngjarje kanë dalë të gjitha njësitë policore. Me urdhër të prokurorit trupi është dërguar për obduksion në Institutin e Mjekësisë Ligjore”, tha Gashi./teve1.info/
