Një person ka vdekur si pasojë e vetaksidentit që ndodhi sot në magjistralen Pejë – Prishtinë, konkretisht në fshatin Poterq të Klinës.
Shoferi i veturës që u aksidentua nuk arriti t’iu bëjë ballë plagëve dhe vdiq pasi u dërgua në Spitalin Rajonal në Pejë.
Lajmin e ka bërë të ditur Policia e Kosovës e cila thekson se drejtuesi (viktima) duke mos ju përshtatur kushteve të rrugës dhe shpejtësisë nga ana e djathë kalon në anën e majtë dhe përfundon jashtë rrugës.
“Si pasoj drejtuesi ka pësuar lëndime të rënda dhe pasi është dërguar në Spitalin Rajonal në Pejë, ekipi mjekësor ka konstatuar vdekjen e tij”, njofton policia.
Tutje thuhet se me urdhër të prokurorit, trupi i pa jetë është dërguar në IML për obduksion.
Ndërkaq, rasti është duke u hetuar nga njësiti kompetent.
