Një person ka ndërruar jetë të enjten në Zveçan, pasi dyshohet se kishte pësuar sulm në zemër.
Sipas raportit të Policisë së Kosovës, rasti është raportuar më 25 shtator, rreth orës 15:00. Viktima, mashkull kosovar, ishte dërguar për trajtim mjekësor në Spitalin Rajonal të Mitrovicës së Veriut.
Me urdhër të prokurorit, trupi i pajetë është dërguar në IML për obduksion.
Policia ka bërë të ditur se rasti është duke u hetuar.
“Zveqan / 25.09.2026 – 15:00. Është raportuar se viktima mashkull kosovar dyshohet se kishte pësuar sulm në zemër dhe ishte dërguar për tretman mjekësor në spitalin rajonal në Mitrovicë Veri. Stafi mjekësor ka bërë përpjekje për ta kthyer në jetë, por viktima kishte ndërruar jetë. Me urdhër të prokurorit trupi i pajetë i viktimës është dërguar në IML për obduksion, rasti është duke u hetuar”, thuhet në raport./teve1.info/
