Një person ka ndërruar jetë në Qendrën e Shëndetit Mendor në Gjilan, ka njoftuar Policia e Kosovës.
Sipas raportit policor, ngjarja ka ndodhur më 10 korrik rreth orës 22:00, në rrugën “Vjosa”, ku është raportuar se një mashkulli kosovar i ishte përkeqësuar gjendja shëndetësore dhe më pas kishte vdekur.
Vdekja është konstatuar nga mjeku kujdestar, ndërsa në vendin e ngjarjes kanë dalë njësitet përkatëse policore për të kryer veprimet hetimore.
Me vendim të prokurorit, trupi i pajetë është dërguar në Institutin e Mjekësisë Ligjore (IML) për obduksion.
“Rr. Vjosa, Gjilan 10.07.2026-22:00. Është raportuar se në Qendrën e Shëndetit Mendor, viktimës mashkull kosovar i ishte keqësuar gjendja shëndetësore dhe kishte vdekur. Vdekjen e kishte konstatuar mjeku kujdestar. Në vendngjarje kanë dalë njësitet përkatëse. Me vendim të prokurorit trupi i pa jetë dërgohet në IML për obduksion”, thuhet në raport./teve1.info/
