Policia e Kosovës ka nisur hetimet për një rast të vdekjes së një personi në rrugën “Ali Vitia” në Prishtinë.
Personi i vdekur është raportuar se fillimisht është gjetur i alivanosur, ndërsa në vendin e ngjarjes sipas PK-së kanë dal njësitet relevante ku vdekja e personit është konstatuar nga ekipi mjekësor.
“Është raportuar se viktima mashkull kosovar, ishte gjetur i alivanosur. Në vendin e ngjarjes kanë dalë njësitë relevante policore, ekipi mjekësor dhe nga mjeku është konstatuar vdekja e viktimës. Me urdhrin e prokurorit i cili ka dalë në vendin e ngjarjes, trupi i pajetë i viktimës është dërguar në IML për obduksion. Rasti është duke u hetuar”, thuhet në raport.
