Një person i lindur në vitin 2001, ka humbur jetën pas një aksidenti komunikacioni në rrugën “Gjergj Sokoli” në Gjakovë.
Rasti është konfirmuar nga Policia e Kosovës, të cilët kanë thënë personi i aksidentuar ka vdekur në spitalin e Gjakovës.
Zëdhënësi i Policisë së Rajonit të Gjakovës, Sheremet Elezaj tha për teve1.info se në këtë aksident i cili ka ndodhur rreth orës 18:30 janë përfshirë një veturë dhe një motoçikletë.
“Rreth orës 18:30 kemi pranuar informatë për aksident trafiku në rrugën “Gjergj Sokoli”- Gjakovë. Policia ka dalë në vend-ngjarje ku të përfshirë në aksident kanë qenë një automjet dhe një motoçikletë. Për pasojë ngasësi i motoçikletës (mashkull i lindur në vitin 2001) për shkak të lëndimeve është dërguar në spitalin rajonal në Gjakovë ku edhe ka ndërruar jetë”, ka thënë Elezaj për teve1.info
Ai bëri të ditur se me vendim të Prokurorit të Shtetit një person është ndaluar në mbajtje dhe se rasti është duke u trajtuar nga Njësia Rajonale e Komunikacionit Rrugor.
