Një person ka mbetur i vdekur si pasojë e një aksidenti mes një veture dhe një katërçiklete në fshatin Bllagajë të Pejës.
Kështu ka bërë të ditur për tëvë1.info, zëdhënësi i policisë për rajonin e Pejës, Fadil Gashi i cili tha se një person tjetër ka pësuar lëndime dhe është dërguar për trajtim në emergjencën e Pejës.
“Rreth orës 14:00 policia është njoftuar për një aksident në Bllagajë të Pejës. Në aksident ishin të përfshira një veturë dhe një katërçikletë. Policia ka dalë në vendin e ngjarjes bashkë me autoambulancë, ku mjeku ka konstatuar vdekjen e një personi. Një tjetër ka pësuar lëndime dhe është dërguar për trajtim në emergjencën e Pejës”, u shpreh Gashi./teve1.info/
