Një person ka humbur jetën mbrëmjen e së mërkurës në Aeroportin Ndërkombëtar “Adem Jashari”, ndërsa ishte duke pritur për të udhëtuar drejt Zvicrës.
Sipas Policisë së Kosovës, viktimës – shtetas zviceran – i është përkeqësuar gjendja shëndetësore gjatë pritjes në terminal.
“Është raportuar se një mashkull, shtetas zviceran, i cili ka qenë duke pritur për të udhëtuar për në Zvicër, i është keqësuar gjendja shëndetësore. Pas ndërhyrjes së stafit mjekësor, është konstatuar vdekja e tij. Me urdhër të prokurorit, trupi i pajetë është dërguar në Institutin e Mjekësisë Ligjore për obduksion”, thuhet në njoftimin e Policisë së Kosovës.
