Një person ka humbur jetën mbrëmë në fshatin Pleshinë të Ferizajt, njofton Policia e Kosovës.
Viktima, derisa ishte duke drejtuar traktorin me rimorkio të ngarkuar me dru, në rrethana të panjohura ka humbur kontrollin dhe për pasojë është rrokullisur, duke u përmbysur me ç’rast ka pësuar lëndime vdekjeprurëse.
Policia thotë se në vendin e ngjarjes kanë dalë njësitë policore, zjarrfikësit dhe ekipi mjekësor, ku është konstatuar edhe vdekja e viktimës.
Ndërsa, me vendim të prokurorit trupi i pajetë iu është dorëzuar familjarëve.
Njoftimi i plotë nga Policia e Kosovës:
Fsh. Pleshinë, Ferizaj 21.07.2023-21:56. I dyshuari m/k, derisa ishte duke drejtuar mjetin motorik-traktor me rimorkio (të ngarkuar me dru) në rrethana të panjohura ka humbur kontrollin dhe për pasojë është rrokullisur me mjetin, duke u përmbysur dhe për pasojë ka pësuar lëndime vdekjeprurëse. Njësitet policore, zjarrfikësit dhe ekipi mjekësor kanë dalë në vendin e ngjarjes ku edhe është konstatuar vdekja e drejtuesit. Në konsultim me prokurorin turpi i pajetë u është dorëzuar familjarëve./teve1.info/
