Zëdhënësi i Policisë Sheremet Elezi ka bërë të ditur për teve1.info se vdekja e viktimës është konstatuar nga personeli mjekësor në vendngjarje.
“Sot me datën 04.06.2022 policia në Gjakovë ka pranuar informacion se rreth orës 09:48 një person mashkull i moshës rreth 66 vjeçare, është lënduar në vendin e tij të punës. Të gjitha njësitet relevante të policisë kanë dalë në vendngjarje, po ashtu është njoftuar prokurori i shtetit. Nga personeli mjekësor i dalur në vendngjarje është konstatuar vdekja e viktimës”, tha ai.
Elezi shtoi se në konsultim me prokurorin është iniciuar rasti “Hetim i vdekjes”. /Teve1.info/