Një 58 – vjeçar ka vdekur pasi dyshohet se ka rënë në hapësirën e ashensorit të katit të katërt të një banese në rrugën “Sadik Bega” – Ferizaj.
Ngjarja sipas Policisë ka ndodhë pas orës 09:00 të mërkurën.
Kanun Veseli, zëdhënës i PK-së për rajonin e Ferizajt ka thënë se në vend ngjarje kanë dalë ekipet e policisë, zjarrfikësve dhe ekipet mjekësore të cilat kanë konstatuar se personi është pa shenja jete.
“Personi i vdekur është një mashkull kosovar, 58 vjeç.Në vendngjarje kanë dalë edhe njësitë e hetimeve të stacionit policor në Ferizaj si dhe ato të Sektorit Rajonal. Me vendim të prokurorit të shtetit, trupi i pajetë i viktimës është dërguar në IML-Prishtinë për obduksion”, ka thënë ai.
