Një aksident me pasojë vdekjen ka ndodhur këtë të diel në Kamëz.
Një 46-vjeçare ka humbur jetën pasi bashkë me një 20-vjeçare u goditën nga një makinë e cila drejtuesi i së cilës kishte humbur kontrollin dhe kishte goditur një veturë tjetër e më pas ato.
Ndërsa, 20 vjeçarja raportohet se është nën kujdesin e mjekëve.
“Më datë 16.06.2024, në rrugën “Nënë Tereza”, shtetasi B. K., duke drejtuar automjetin dyshohet se ka humbur kontrollin mbi drejtimin e tij dhe është përplasur me automjetin me drejtues shtetasin E. K., dhe më pas me shtetaset F. M., 46 vjeçe, dhe Xh. M., 20 vjeçe (këmbësore).Si pasojë e dëmtimeve të marra nga aksidenti shtetasja F. M., ka ndërruar jetë në spital, ndërsa shtetasja Xh. M., ndodhet nën kujdesin e mjekëve. Grupi hetimor po punon për sqarimin e rrethanave të aksidentit”, thuhet nga Policia e Shtetit.
