Si pasojë e rrokullisjes me traktor, një 45 vjeçar e ka humbur jetën dje në fshatin Carralevë të Shtimës.
Vdekja e viktimës është konstatuar nga ekipi mjekësor në QMF-në e Shtimës.
“Njësitë policore menjëherë kanë dalë në vendngjarje dhe kanë nisur hetimet për të sqaruar rrethanat e rastit. Për të gjitha veprimet policore është njoftuar prokurori i shtetit, i cili ka urdhëruar që trupi i pajetë të dërgohet në Institutin e Mjekësisë Ligjore në Prishtinë për obduksion”, deklaroi zëdhënësi i Policisë së Kosovës për rajonin e Ferizajt, Kanun Veseli.
Ndërkaq, bëri të ditur se rasti është cilësuar “Hetim mbi vdekjen”.
