Një 24-vjeçare ka humbur jetën, pasi që e njëjta është plagosur me armë zjarri në një poligon në rrugën “Dritan Hoxha” në Prishtinë.
Sipas njoftimit të policisë, fillimisht viktima është dërguar për trajtim mjekësor në QKUK, ku më pas është konfirmuar vdekja e viktimës.
Policia ka bërë të ditur se një zyrtar përgjegjës i poligonit është arrestuar dhe me vendim të prokurorit është ndaluar për 48 orë.
“Mbrëmë rreth orës 19:30, është raportuar se në një poligon në rrugën “Dritan Hoxha “në Prishtinë, një femër është plagosur me armë zjarri. Menjëherë është dërguar për trajtim mjekësor në QKUK, nga ku rreth orës 22:00 është konfirmuar vdekja e viktimës femër, L.S, 24 vjeçare.Njësitet policore menjëherë kanë dalë në vendngjarje dhe kanë ndërmarrë të gjitha veprimet e nevojshme hetimore. Në kuadër të hetimeve, është arrestuar një zyrtar përgjegjës i poligonit dhe me vendim të prokurorit është ndaluar për 48 orë. Hetuesit policor në koordinim me prokurorinë po punojnë për sqarimin e plotë të rrethanave të rastit, i cili me urdhër të prokurorit është iniciuar Vetëvrasje, Shkaktim i rrezikut të përgjithshëm me pasojë vdekjen”, thuhet në njoftimin e policisë./teve1.info/
