Një 24-vjeçar në Prizren ka vdekur nga arma e zjarrit në Prizren.
Sipas Policisë së Kosovës, dy persona kanë raportuar në stacion se tashmë të ndjerit i kishin dhënë një pistoletë për ta shitur dhe i njëjti posa ka marrë armën në dorë ka qëlluar veten
“Sot me datë 11.05.2025 rreth orës 18:20 në Stacionit Policor Prizren- Veri, dy persona njeri 24 dhe tjetri 23 vjeçar kane raportuar në se derisa janë takuar me një person të tret- viktimën A.T. 24 vjeçar dhe ia kanë dhënë një pistoletë, për të i’a shitur, viktima posa e ka marr armën ka shkrepur me armë në drejtim të vetes së tij”, ka thënë për Tëvë1, zëdhënësi i Policisë për rajonin e Prizrenit, Shaqir Bytyqi.
Ai ka thënë se vdekja e 24-vjeçarit është konstatuar nga ekipi mjekësor dhe se trupi i tij është dërguar për obduksion.
Rasti sipas tij është cilësuar vdekje e dyshimtë dhe mbajtje e posedim i pa autorizuar i armës.
