Një person ka humbur jetën si pasojë e një aksidenti trafiku që ka ndodhur në orët e para të së dielës në Vushtrri.
Sipas Policisë së Kosovës, për rajonin e Mitrovicës, aksidenti ka ndodhur rreth orës 00:55 në rrugën nacionale Mitrovicë–Prishtinë, në fshatin Maxhunaj, ku është përfshirë një veturë.
Si pasojë e aksidentit, drejtuesi i automjetit dhe dy pasagjerë kanë pësuar lëndime dhe janë dërguar për trajtim mjekësor.
Megjithatë, rreth orës 07:50 është konfirmuar se drejtuesi i automjetit, një 22-vjeçar, ka ndërruar jetë si pasojë e plagëve të marra, pavarësisht përpjekjeve të ekipit mjekësor në SHSKUK.
Me urdhër të prokurorit kompetent, trupi i pajetë i viktimës është dërguar në Institutin e Mjekësisë Ligjore për obduksion.
Policia dhe hetuesit e Njësisë Rajonale të Trafikut po vazhdojnë hetimet për të sqaruar shkaqet dhe rrethanat e aksidentit fatal.
