Fillimisht, shërbeu si profesor universitar.
E më pas, u bë edhe kryetar i Akademisë së Shkencave dhe Arteve të Kosovës.
Por, pas përfundimit të luftës, një kërkesë nga ish-presidenti, Ibrahim Rugova, bëri që Nexhat Daci, t’i prijë listës së LDK-së në zgjedhjet komunale në Prishtinë.
Ani pse Daci i fitoi zgjedhjet, ai postin e kryetarit të kryeqytetit, ia la Sali Gashit.
Pas kësaj, akademik Nexhat Daci, fitoi ulesën në Kuvendit të Kosovës.
E më pas, organin legjislativ, e udhëhoqi për dy mandate.
Këtë kohë, po e cilëson si më të suksesshmen të legjislativit, bashkëpunëtorja e tij e ngushtë, Besa Gaxherri.
E të enjten, akademik Nexhat Daci, ndërroi jetë në moshën 81 vjeçare.
Lajmin për vdekjen, e dha pasuesi i tij në Kuvendin e Kosovës, Dimal Basha.
Pas vdekjes së presidentit, Ibrahim Rugova, në LDK pati mospajtime.
Daci humbi garën me Fatmir Sejdiun për kryetar të LDK-së, në kuvendin e njohur të vitit 2006.
E vetëm një vit më pas, themeloi Lidhjen Demokratike të Dardanisë.
Ish-nënkryetarja e LDD-së, Besa Gaxherri, thotë se përgatitja e Dacit, e bëri këtë hap të lehtë.
Nexhat Daci kishte lindur më 26 korrik 1944 në fshatin Tërnoc të Bujanocit.
Ndërsa për vdekjen e akademikut, kanë reaguar figurat më të njohura të kombit.
