Një person ka vdekur dje në Qendrën Klinike Universitare të Kosovës (QKUK), ku i njëjti po trajtohej nga lëndimet që kishte marrë si pasojë e dhunës në familje.
Policia në raportin ditor ka bërë të ditur se lidhur me rastin është arrestuar djali i viktimës.
Sipas Policisë, rasti kishte ndodhur më 19 maj rreth orës 19:30 në Shtime. Rasti u iniciua si “Lëndim i rëndë trupor me pasojë vdekjen”.
“Shtime / 19.05.2024-19:30. Më datën e cekur në rastin dhunë në familje, viktima mashkull kosovar kishte pësuar lëndime trupore dhe deri më tani kishte qenë në QKUK në tretman mjekësor. Më datë 08.06.2024 nga QKUK është konfirmuar se viktima ka ndërruar jetë. Me vendim të prokurorit, trupi i pajetë dërgohet në IML për obduksion, ndërsa i dyshuari mashkull kosovar-djali i viktimës është arrestuar”, thuhet në njoftim.
