Ka vdekur në QKUK ku ishte duke u trajtuar një person pas lëndimeve që kishte marrë në vendin e punës.
Sipas Policisë së Kosovës më 07.04 2025 në Stacionin Policor në Malishevë është iniciuar rasti ku një person me lëndime të rënda trupore të pësuar në vendin e punës në Dragobil ishte dërguar në QKMF-në e Malishevës, ku më pas ishte dërguar në QKUK.
Zëdhënësi i Policisë së Kosovës për rajonin e Gjakovës, Shermet Elezaj në një përgjigje për teve1.info ka thënë se të dielën janë njoftuar nga QKUK se i njëjti ka vdekur.
“Më datë 07.04.2025, në Stacionin Policor në Malishevë është iniciuar rasti “Asgjësim, dëmtim ose heqje e pajisjeve mbrojtëse dhe rrezikimi i sigurisë në vendin e punës”, pasi që rreth orës 16:40 viktima, mashkull i moshës madhore, ishte dërguar në QKMF në Malishevë me lëndime të rënda trupore, të cilat dyshohet se janë shkaktuar në vendin e tij të punës, në fshatin Dragobil. I njëjti më pas ishte dërguar në QKUK në Prishtinë, ku sot jemi njoftuar nga stafi mjekësor se ai ka ndërruar jetë. Me vendim të prokurorit të shtetit, trupi i pajetë i viktimës dërgohet për ekzaminim mjeko-ligjor”, ka thënë Elezaj.
