Një grua ka vdekur në QKUK si pasojë e lëndimeve të marra nga një aksident në Podujevë të ndodhur në mes të dy veturave një ditë më parë, raporton teve1.info
Sipas raportit policor, e ndjera ishte aksidentuar më 6 korrik në mbrëmje, derisa ka ndërruar jetë pas mesnatës në QKUK ku po trajtohej.
Sipas komunikatës së Policisë, e ndjera është dërguar në Institutin e Mjekësisë Ligjore për Obduksion.
“Podujevë 06.07.2023-19:30. Raportohet se ka ndodhur aksident trafiku në mes të dy veturave. Si pasojë, lëndime trupore kanë pësuar katër persona dhe të njëjtit janë dërguar për tretman mjekësor. Rreth orës 01:30 e datës 07.07.2023 në QKUK si pasojë e lëndimeve të marra ka ndërruar jetë viktima femër kosovare dhe e njëjta me vendim të prokurorit dërgohet në IML për obduksion”, thuhet në raport.
