Një 25-vjeçar ka vdekur sot në QKUK, ku aty po trajtohej si pasojë e lëndimeve të marra nga një aksident trafiku që ka ndodhur më 18 maj në Pouskë të Prizrenit.
Kështu ka bërë të ditur për teve1.info, zëdhënësi i Policisë në Prizren, Shaqyr Bytyqi.
Ai ka njoftuar se informatën për vdekjen e E.T. e kanë marrë nga QKUK-ja.
Me urdhër të prokurorit, trupi i pajetë është dërguar në Institutin e Mjekësisë Ligjore për ekzaminim.
Ndërkaq, në aksidentin e njëjtë, në vendngjarje kishte vdekur edhe një 19-vjeçare.
