Robert Redford, një nga figurat më të njohura të kinemasë amerikane, ka ndërruar jetë në moshën 89-vjeçare.
Lajmin e bëri të ditur për BBC News publicistja e tij, Cindi Berger, e cila deklaroi:
“Robert Redford ndërroi jetë më 16 shtator në shtëpinë e tij në Sundance, në malet e Utah – vendi që ai e donte, i rrethuar nga njerëzit që donte. Ai do të mungojë shumë. Familja kërkon privatësi.”
Redford u bë i famshëm me role ikonike në filma si The Sting dhe Butch Cassidy and the Sundance Kid. Ai fitoi çmimin Oscar për regjisorin më të mirë në vitin 1980 me filmin Ordinary People, ndërsa mbetet gjithashtu i njohur për rolin e tij në Out of Africa.
Përveç karrierës së tij si aktor dhe regjisor, Redford ishte themelues i Festivalit të Filmit Sundance në Utah, një nga ngjarjet më të rëndësishme të kinemasë indie në botë.
Në vitin 2018, ai njoftoi tërheqjen nga aktrimi, duke deklaruar më herët se ishte lodhur nga kjo fushë. Vdekja e tij shënon fundin e një epoke për kinemanë amerikane.
