Të dielën ka vdekur, Kemjal Jonuzi, i njohur si veprimtar, humanist dhe njëri i devotshëm.
Jonuzi kishte dhënë kontribut të madh sidomos në kujdesin ndaj jetimëve në Kullën e Jetimëve.
“Sot paska mbetur jetime “Kulla e Jetimit.” Njeriu i mirë, besimtar i devotshëm, punëtor i palodhshëm, mik i sinqertë, haxhi Kemajl Jonuzi, qenka ndarë prej kësaj jete. Puna e tij e madhe në bamirësi është shembull konkret se përkushtimi, pasioni dhe sinqeriteti japin rezultate, madje edhe kur puna zhvillohet në kushte të vështira. Zoti e pastë mëshiruar mikun tonë haxhi Kemajlin, ndërsa familjes ia shtoftë durimin”, ka shkruar profesori Milazim Krasniqi.
Për Jonuzin ka shkruar edhe hoxha nga Prishtina, Husamedin Abazi.
“Ishte humanist, i devotshëm, i dashur, bujarë, mikpritës, i ashpër në momente, i drejtpërdrejtë, rrespektues i dispozitave Islame dhe Thirrës në Islam me vepra, jo me fjalë! Sot mbeti jetim edhe Kulla e Jetimit (një projekt gjigant në Prevallë, e që e ngriti haxhi Kemajli në shërbim të jetimëve të Kosovës). Zoti sabrin e gajretin jua shtoftë Halidit, haxhi Skenderit, familjës Jonuzi dhe gjithë shokëve dhe miqëve të shumtë që i kishte haxhi Kemajli, anë e kënd trojeve shqiptare.Allahu të mëshiroftë haxhi Kemajl dhe me Xhenetin Firdeus të gradoftë!”, ka shkruar ai.
