Sot, më 24 nëntor 2024, u nda nga jeta Behgjet Hetemi, ish-ushtar i Ushtrisë Çlirimtare të Kosovës dhe vëllai i kryetarit të Komunës së Leposaviqit.
Behgjet Hetemi ishte i njohur për kontributin e tij gjatë luftës për liri dhe përkushtimin ndaj atdheut. Lajmi i hidhur ka prekur jo vetëm familjen e tij, por edhe komunitetin e gjerë, të cilët e kanë kujtuar atë si një njeri të ndershëm, të guximshëm dhe të përkushtuar.
Varrimi i të ndjerit do të mbahet sot, pas namazit të Akshamit, në fshatin e tij të lindjes, Bistricë të Shalës, ku pritet të marrin pjesë shumë qytetarë, bashkëluftëtarë dhe figura publike për t’i dhënë lamtumirën e fundit.
