Spitali i Përgjithshëm i Pejës ka njoftuar se gruaja e plagosur më parë me armë zjarri ka ndërruar jetë.
Në njoftim është bërë e ditur se pacientja kishte mbërritur në spital në gjendje shumë të rëndë shëndetësore.
Sipas njoftimit të spitalit, ekipet mjekësore ndërmorën të gjitha veprimet e mundshme, duke përfshirë trajtim intensiv dhe procedura reanimuese, për të shpëtuar jetën e pacientes. Megjithatë, përpjekjet e stafit shëndetësor nuk rezultuan të suksesshme.
Ndërkohë, zëdhënësi i Policisë për rajonin e Pejës, Driton Rugova ka bërë të ditur se kanë nisur hetimet për rrethanat e ngjarjes dhe se organet kompetente po punojnë për zbardhjen e plotë të incidentit.
