Gazetari dhe analisti i njohur Artur Zheji ka ndërruar jetë në moshën 64-vjeçare.
Ngjarja ka ndodhur këtë të shtunë në Sarandë, ku Zheji po qëndronte me familjen.
Sipas raportimeve, ai ishte duke drekuar me bashkëshorten dhe djalin, kur dyshohet se pësoi një arrest kardiak. Menjëherë pas incidentit, ai u transportua me autoambulancë drejt urgjencës së spitalit “Petro Nako”, por mjekët nuk arritën ta shpëtonin.
Artur Zheji ishte një nga figurat më të njohura të medias shqiptare, me një karrierë të gjatë si gazetar, analist politik, publicist dhe drejtues institucionesh mediatike.
