19-vjeçari i cili mbet i lënduar nga aksidenti në Llapushnik ka humbur jetën sot në QKUK.
Fatlum Gashi ishte duke u trajtuar në Mjekimin Intensiv Qendror në QKUK.
Nga ky aksident të vdekur kanë mbetur edhe prindërit e 19-vjeçarit.
Ndërkohë, kryetari i Komunës së Drenasit, Ramiz Lladrovci, ka shprehur ngushëllime.
Në një postim në Facebook, Komuna e Drenasit ka theksuar se vdekja e Fatlumit është një dhimbje e pamasë për familjen dhe gjithë komunitetin.
“Kryetari Lladrovci ka shprehur ngushëllimet më të sinqerta për familjen Gashi, duke u uruar forcë dhe durim në përballimin e kësaj tragjedie të trefishtë”.
“U prehtë në paqe Fatlumi, së bashku me prindërit e tij! Ngushëllime të sinqerta!”, thuhet në njoftim.
