Futbolli evropian ka marrë një lajm të rëndë në mëngjesin e së enjtes.
Diogo Jota, sulmuesi i Liverpoolit, ka vdekur në një aksident trafiku në provincën e Zamoras në Spanjës, ka raportuar “Marca”
Thuhet se aksidenti ka ndodhur në kilometrin e 65-t të autostradës A-52, pranë rajonit Zamora të Sanabrias.
Futbollisti i Liverpoolit, vdiq kur automjeti me të cilin po udhëtonte më vëllanë e tij, Andre, doli nga rruga duke shkaktuar zjarr.
Sipas dëshmitarëve që telefonuan ndihmën e shpejtë, makina u përshfi nga zjarri që u përhap në të gjithë makinën.
Jota sapo ishte martuar me të fejuarën e tij, Rute Cardoso, vetëm 10 ditë më parë, ku dasma ishte mbajtur më 22 qershor.
Çifti ka tre fëmijë, dy djemë: Denisin (2021), Duarten (2023) dhe vajzën e lindur vitin e shkuar.
Jota iu bashkua Liverpoolit në vitin 2020 nga Wolverhaptoni për 45 milionë euro dhe me ekipin nga “Anfield Road” ka regjistruar 182 paraqitje në të gjitha garat, duke shënuar 65 gola dhe bërë 26 asistime.
Me fanellën e Liverpooli, Jota ka fituar tre trofe, përfshirë titullin e kampionit të Anglisë për sezonin 2024/25.
Jota, i lindur në vitin 1996, karrierën si profesionist e ka nisur te Pacos Ferreira kurse ka luajtur edhe për Atletico Madridin e Porton.
Gjithashtu, Jota ka edhe 49 paraqitje dhe 14 gola të shënuar me Kombëtaren e Portugalisë.
