Një person i cili ishte duke lëvizur me biçikletë ka vdekur të dielën pasi është goditur nga një automjet.
Rasti ka ndodhur në fshatin Lluga të Podujevës rreth orës 16:20.
Flora Ahmeti, zëdhënëse e Policisë së Kosovës për Rajonin e Prishtinës ka thënë se vdekja e çiklistit është konstatuar nga ekipi mjekësor.
“Sot rreth orës 16:20 kemi pranuar informatën se në fshatin Lluga të Podujevës, ka ndodhur një aksident trafiku me pasoja fatale. Në këtë aksident, kanë qenë të përfshira, një biçikletë dhe një automjet në lëvizje. Si pasojë e aksidentit, lëndime të rënda trupore ka pësuar biçiklisti, i cili nuk ka arritë të përballojë plagët dhe i njëjti ka ndërruar jetë .Vdekjen e tij e ka konstatuar ekipi mjekësor në vendngjarje”, ka thënë Ahmeti.
Ajo bëri të ditur se aktualisht policia ka nisë një hetim për zbardhjen e rrethanave që kanë quar deri te ky aksident trafiku.
