Ministri i Infrastrukturës, Liburn Aliu ka bërë të ditur se sot ndërroi jetë axha i tij, prof. Zenel Kelmendi.
Ai ka bërë të ditur se varrim do të bëhet në orën 18:00 në varrezat e Arbëri në Prishtinë.
“Sot ndërroi jetë axha im, prof. Zenel Kelmendi. Ishte njeri shumë i dashur për të gjithë familjen, veprimtar i çështjes kombëtare, doktor i mjekësisë, profesor dhe rektor i parë i Universitetit të Prishtinës pas luftës. La pas vetes shumë. Do ta kujtojmë gjithnjë, dhe do na mungojë të gjithëve.Varrimi bëhet sot në orën 18:00 në varrezat e Prishtinës në Arbëri. Prehu i qetë axha Zenel”, ka shkruar Aliu.
