Eleonora Giorgi, aktorja e njohur italiane, ka ndërruar jetë në moshën 71-vjeçare pas një beteje me një tumor pankreatik. Ajo e ndau këtë periudhë të vështirë me publikun, duke treguar kurajon e saj dhe duke inkurajuar të tjerët të shijojnë çdo ditë.
Gjatë muajve të fundit, ajo u mbështet nga familja, përfshirë djemtë Andrea dhe Paolo, ish-bashkëshortin Massimo Ciavarro dhe nipin e saj Gabriele, raporton ANSA.
Giorgi u bë e njohur për rolet e saj në filma erotikë dhe komedi gjatë viteve 1970-1980, duke punuar me regjisorë të njohur si Dario Argento dhe Carlo Verdone. Ajo gjithashtu pati një karrierë të suksesshme në televizion, duke u shfaqur në seriale si “I Cesaroni” dhe duke udhëhequr disa programe argëtim.
Në jetën e saj personale, Giorgi kaloi disa periudha të vështira, përfshirë një divorc dhe disa lidhje të njohura, por gjithmonë ruajti forcën dhe kurajën. Ajo la pas një trashëgimi të pasur artistike dhe një model jete të frymëzuar nga dashuria për familjen dhe pasioni për jetën. Varrimi do të mbahet më 5 mars në Kishën e Artistëve në Romë.
