Lajmin për vdekjen e tij e ka konfirmuar zëdhënësi i Policisë së Kosovës për rajonin e Gjakovës, Nusret Xhurkaj.
Ai për teve1.info ka treguar se fillimisht viktima është dërguar për në Emergjencën e Spitalit Rajonal të Gjakovës.
Por, ai bëri të ditur se rrugës për në Qendrën Klinike Universitare të Kosovës, viktima ka ndërruar jetë.
“Sot me datë 30.03.2022 rreth orës 16:00 nga QKMF e Rahovecit, Stacioni Policor – Rahovec është njoftuar se një person ka kërkuar ndihmë mjekësore. Rastit i është përgjigjur patrulla policore dhe kanë kuptuar se viktima e lartcekur është sjellë në Emergjencë me lëndime serioze. Pas marrjes së ndihmës së parë viktima me autoambulancë është dërguar për në emergjencën e Spitalit Rajonal të Gjakovës, pasi gjendja e viktimës ishte duke u keqësuar me autoambulancë viktima është transportuar në drejtim të QKUK-së Prishtinë”, tha ai.
Tutje, Xhurkaj tregoi se në konsultim me prokurorin, kufoma i është kthyer familjarëve për kryerjen e ceremonisë së varrimit./teve1.info/
