Një 15-vjeçar dyshohet se ka humbur jetën në një vetaksident me biçikletë që ka ndodhur në në rrugën që shpie për në fshatin Bërnicë të Prishtinës.
Zëdhënsi i Policisë së Kosovës për rajonin e Prishtinës, Agron Borovci ka thënë për teve1.info se kanë marrë informacion për një vetaskident afër orës 20:00 dhe se ekipet mjekësore kanë konstatuar se 15-vjeçari i gjinisë mashkullore është pa shenja jete.
“Rreth orës 19:45, është pranuar informata se në rrugën që shpie për në fshatin Bërnicë të Prishtinës dyshohet për një vetaksident me biçikletë. Policia menjëherë ka dalë në vendin e ngjarjes si dhe mjekët emergjent të cilët kanë konstatuar se, viktima, mashkull, rreth 15 vjeç, është pa shenja jete. Aktualisht policia me vëmendje të shtuar po vijon punën hetimore me qëllim të sqarimit të plotë të të gjitha rrethanave që karakterizojnë ngjarjen”, ka thënë Borovci.
